الا ياللي تعيروني بأني حقت الاطفال=أنا ساس الشعر فيني من أقصى جد بجدودي
كتبت الشعر من صغري وصغت من الحروف رجال=وصار الحرف بي معنى وجوده زان بوجودي
أنا ملح الشعر بأبقى ومهما هالزمن بيطال=يساندني دعاء أمي إلين اقف على عودي
أنا يوم إنني طفلة تربت من وراي أجيال=على شاشة وطن غالي بحضنه أنثر ورودي
ورغم اللي حكوا فيني ورغم اللي علي ينقال=أنا أبقى بنت ناس أجواد وأصل الجود من جودي
وراي ارجال تفزع لي إذا في يوم حضي مال=تقطع ايد انمدت لو تعدت على حد من حدودي
وراي عيون تسهر لي وتتركني مريح البال=في ليلي نومهم يحرم ولو عين الملاء رقودي
وأنا مهما أصادف في دروب الشعر من أنذال=أبد ما ينتهي صبري أو أنه يخترب مودي
لأني عارف العنقود لو أنه يوم عجز ينطال=يصير بعينهم حامض لان قلوبهم سودي
الأربعاء أغسطس 04, 2010 9:31 pm